Plantun de Prouvènço

Pèr coumpara dos planto d'encò nostre

Cotinus coggygria & Hornungia alpina

Pevoulié

Cotinus coggygria

Anacardiaceae

Àutri noum : Bos jaune, Baiso-ma-mìo, Fustet, Parouvié, Sumac.

Noms en français : Arbre à perruques, Fustet.

Descripcioun :
Lou pevoulié es un aubret eisa de recounèisse emé soun enflourejado plumouso e si fueio óuvalo e verdalo. Trachis sus li pendis roucaious e lis esboudèu de colo e basso mountagno.

Usanço :
La rusco de pevoulié servié à rusca lou cuer coume aquelo dóu fàuvi, Rhus coriaria, e li fueio pèr tencha en jaune la lano. O. Madon raporto que servié peréu pèr sougna li lapin : "Lei lapin an uno malautié qu'apèlon lou gros ventre. Alor lei gènt ié dounavon de pevoulié pèr lou faire passa... l'escorço, pas li fueio... uno brancho. Falié vèire, levavon touto la pèu, lou rasclavon, pèr manja l'escorço" (op.cit. p. 57).

Port : Aubret
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Cotinus
Famiho : Anacardiaceae

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Basso mountagno - Roucaio - Esboudèu - Colo
Estànci : Mesoumediterran à Coulinen
Couroulougi : Pancaro entresigna
Ref. sc. : Cotinus coggygria Scop., 1771

Creissoun(-de-chamous)

Hornungia alpina

Brassicaceae Cruciferae

Noms en français : Cresson de chamois, Cresson des chamois.

Descripcioun :
Lou creissoun-de-chamous trachis dins lis esboudèu fres e li coumbo à nèu de mountagno sus cauquié. Se recounèis à si grapo de pichòti flour blanco e à si fueio coumpausado de 2 à 6 paréu de "fueioun". La siliculo, negro, fai de 3 à 6 mm. La subsp. dis Aup de Prouvènço, ié dison alpina .

Usanço :
Couneissèn pas d'usanço particuliero pèr aquelo planto. Dèu èstre manjadisso, mai avèn pas d'entresigne segur. Escriéure au site se n'en sabès mai.

Port : Erbo
Taio : 3 à 10 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Hornungia
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 5 à 8 mm
Flourido : Printems - Estiéu

Sòu : Ca
Autour basso e auto : 1700 à 3000 m
Aparado : Noun
Mai à avoust

Liò : Esboudèu fres - Coumbo à nèu
Estànci : Subaupen à Aupen
Couroulougi : Ouroufito-Éuroupenco
Ref. sc. : Hornungia alpina (L.) O.Appel, 1997 (= Pritzelago alpina (L.) Kuntze, 1894 = Hutchinsia alpina (L.) R.Br., 1812 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cotinus coggygria & Hornungia alpina

Coumpara Pevoulié emé uno autro planto

Coumpara Creissoun(-de-chamous) emé uno autro planto